I regi av Forskingsrådet er norsk humanioraforsking evaluert, og for første gong på over 30 år er heile feltet sett under eitt. Det er også første gong humanioras samfunnsbidrag og forskingas bidrag i utdanningane blir evaluert. 2300 forskarar, 97 forskargrupper, 36 institusjonar er i løpet av dei siste to åra blitt evaluerte av 54 internasjonale fagekspertar fordelte på åtte fagpanel. Evalueringspanela gir anbefalingar til Regjeringa, Forskingsrådet og institusjonane om kva dei bør jobbe med og for i tida framover.